DOA POKOK GEREJA DALAM BAHASA JAWA

Konjuk ing asma dalem Hyang Rama, Saha Hyang Putra, tuwin Hyang Roh Suci.

Amin.

KAWULA PITADOS

Kawula pitados ing Allah, Rama Sang Mahakuwasa, ingkang nitahaken bumi langit. Saha ing Gusti Yesus Kristus, Putra Dalem ontang-anting, Pangeran kawula. Ingkang miyos saking Ibu Kenya Maria, kagarba dening kuwasa Dalem Hyang Roh Suci. Ingkan nandhang sangsara nalika jamanipun Ponsius Pilatus, saha kapenthang, seda sarta kasarekaken. Tedhak dhateng papan pangentosan, tigang dintenipun wungu saking seda. Mekrad dhateng swarga, pinarak ing satengen Dalem Allah, Rama Sang Mahakuwasa. Saking ngriku badhe rawuh ngadili tiyang gesang utawi pejah. Kawula pitados ing Hyang Roh Suci. Pasamuwan Katulik ingkang suci, lan panunggiling para Suci. Pangapuntening dosa. Tangining badan. Saha gesang langgeng. Amin.

RAMA KAWULA

Rama kawula ing swarga, Asma Dalem kaluhurna. Kraton Dalem mugi rawuha. Karsa Dalem kalampahana wonten ing donya kados ing swarga.

Kawula nyuwun rejeki kangge sapunika. Sakathahing lepat nyuwun pangapunten dalem, kados dene anggen kawula ugi ngapunten dhateng sesami. Kawula nyuwun tinebihna saking panggoda, saha linuwarna saking piawon. Amin.

SEMBAH BEKTI

Sembah bekti kawula, Dewi Maria, kekasihing Allah. Pangeran nunggil ing penjenengan dalem. Sami-sami wanita Sang Dewi pinuji piyambak, saha pinuji ugi wohing salira Dalem, Sri Yesus.

Dewi Maria, Ibuning Allah, kawula tiyang dosa sami nyuwun pangestu dalem, samangke tuwin benjing dumugining pejah. Amin.

MUGI LINUHURNA

Mugi linuhurna Hyang Rama, saha Hyang Putra, tuwin Hyang Roh Suci. Kados ing mulabuka, sapunika, sarta ing salami-laminipun. Amin.

PINUJIA

Pinujia Asma Dalem Sri Yesus, Dewi Maria lan Santo Yusup, sak punika sarta langgeng. Amin.

MALAEKATING ALLAH

P          Malekating Allah nglantaraken dhawuh dhateng Kenya Dewi Maria.

U         Lajeng Sang Kenya nggarbini saking kuwasaning Hyang Roh Suci.

            Sembah bekti ….

P          Kawula abdining Allah.

U         Sandika ing dhawuh Dalem.

            Sembah bekti ….

P          Sang Sabda lajeng dados manungsa.

U         Yektos nunggil ing kawula.

            Sembah bekti ….

P          Ibuning Allah, nyuwun pangestu dalem.

U         Supados pantes nampi ganjarang kasagahan Dalem Sang Kristus.

Suwawi sami munjuk:

Gusti, sarehning kawula sampun dipun wartosi ing Malaekat, bilih Putra Dalem yektos manjalma, mila sami nyuwun sih pitulungan Dalem, supados sarana saking sangsara saha pamentanganipun Putra Dalem, benjing satangining badan, kawula sageda dherek kamulyakaken. Lantaran Sang Kristus Gusti kawula. Amin.